YAP Nərimanov rayon təşkilatının Ərazi Partiya Təşkilatlarında görüşlər davam etdirilir

Yeni Azərbaycan Partiyası Nərimanov rayon təşkilatı tərəfindən “Azad Hümbətov küçəsi 17A/1” ünvanı üzrə Ərazi Partiya Təşkilatında partiya üzvləri ilə Prezident, YAP-ın sədri cənab İlham Əliyevin Partiyanın VIII Qurultayındakı çıxışından irəli gələn vəzifələrə həsr olunmuş görüş keçirilib. Görüşdə ilk öncə Azərbaycan Respublikasının Dövlət Himni səsləndirilib, Ulu Öndər Heydər Əliyevin və Vətənimizin bütövlüyü uğrunda canından keçmiş şəhidlərin əziz xatirəsi bir dəqiqəlik sükutla yad edilib. YAP Nərimanov rayon təşkilatının sədr müavini Anar Abbasov, təşkilatın əməkdaşları və Ərazi Partiya Təşkilatının üzvlərinin iştirak etdiyi görüşdə Prezident İlham Əliyevin qurultaydakı nitqinin əhəmiyyəti, Azərbaycanın əldə etdiyi tarixi nailiyyətlər, milli maraqların və ideoloji təhlükəsizliyin qorunması, gənclərin vətənpərvərlik ruhunda tərbiyəsi və partiya üzvlərinin qarşısında duran vəzifələr diqqətə çatdırılıb. Sonda partiya üzvlərinin qarşıya qoyulan strateji hədəflərin həyata keçirilməsində fəal iştirakı, dövlətçilik prinsiplərinə sədaqəti və cəmiyyətlə əlaqələrin gücləndirilməsinin vacibliyi vurğulanıb.