Prezident İlham Əliyev və Mehriban Əliyeva Daşkənddə Heydər Əliyevin xatirəsini yad ediblər

Dövlət başçısı və birinci xanım meydanda ucaldılmış Ümummilli Lider Heydər Əliyevin memorial kompleksinin önünə gül dəstələri qoyaraq ulu öndərin xatirəsinə dərin ehtiramlarını bildiriblər. Daşkənddəki bu memorial kompleks iki qardaş ölkə — Azərbaycan və Özbəkistan arasındakı dostluq, sarsılmaz strateji tərəfdaşlıq və mədəni-tarixi bağlılığın mühüm rəmzlərindən biri hesab olunur. Səfər çərçivəsində dövlət başçısının digər rəsmi tədbirlərdə və Ali Dövlətlərarası Şuranın iclasında iştirakı nəzərdə tutulur.