Oktyabrın 3-nə olan hava proqnozu: Bakıda və bölgələrdə hava necə olacaq?

Milli Hidrometeorologiya Xidmətinin verdiyi məlumata görə, oktyabrın 3-də Bakıda və Abşeron yarımadasında havanın dəyişkən buludlu olacağı, əsasən yağmursuz keçəcəyi gözlənilir. Səhər saatlarında bəzi yerlərdə zəif duman olacaq, mülayim cənub-şərq küləyi əsəcək. Havanın temperaturu Abşeron yarımadasında və Bakı şəhərində gecə 15-18°, gündüz 21-25° isti təşkil edəcək. Atmosfer təzyiqi norma daxilində olacaq, nisbi rütubət gecə 70-80%, gündüz 45-50% gözlənilir. Azərbaycanın rayonlarında da havanın əsasən yağmursuz keçəcəyi, lakin gündüz saatlarında bəzi dağlıq ərazilərdə qısamüddətli yağış yağacağı ehtimal olunur. Mülayim şərq küləyi əsəcək. Havanın temperaturu gündüz aran rayonlarında 23-27° isti, dağlarda isə 10-15° isti təşkil edəcək.