Daşkənd Prezident İlham Əliyevin səfərinə hazırlaşır – şəhər Azərbaycan bayraqları ilə bəzədilib

Özbəkistanın paytaxtı Daşkənd Azərbaycan Prezidenti İlham Əliyevin Özbəkistana gözlənilən dövlət səfərinə hazırlaşır. 23–24 avqust tarixlərində baş tutması gözlənilən səfər çərçivəsində Prezident İlham Əliyevin Özbəkistan Prezidenti Şavkat Mirziyoyevin dəvəti ilə Daşkəndə gedəcəyi bildirilir. Səfər zamanı iki ölkə arasında əməkdaşlığın müxtəlif istiqamətləri üzrə məsələlərin müzakirəsi gözlənilir. Daşkənddə səfərlə bağlı hazırlıq işləri artıq diqqət çəkir. Paytaxtın bəzi meydanlarında hündürmərtəbəli binalar Azərbaycanın üçrəngli bayrağı ilə işıqlandırılıb. Prezident İlham Əliyevin səfəri münasibətilə genişmiqyaslı dron şousunun da keçirildiyi, göy üzündə Azərbaycan və Özbəkistan bayraqlarının, eləcə də hər iki ölkə prezidentinin portretlərinin nümayiş etdirildiyi bildirilib. Səfər çərçivəsində İlham Əliyevin Azərbaycan və Özbəkistan arasında Ali Dövlətlərarası Şuranın üçüncü iclasında iştirakı nəzərdə tutulur.