Çində “İldırım” adlı robot 100 metr məsafəyə qaçışda insan rekordunu keçib

Çinin Pekin şəhərində keçirilən İkinci Ümumdünya Humanoid Robotlar Oyunları ərəfəsində “Lightning” (“İldırım”) adlı humanoid robot 100 metr məsafəni 9,32 saniyəyə qət edib. Çinin Honor şirkəti tərəfindən hazırlanmış robot bu nəticə ilə Yamaykalı atlet Useyn Boltun 2009-cu ildə müəyyən etdiyi 9,58 saniyəlik 100 metr dünya rekordunu geridə qoyub. “İldırım” qaçış zamanı saatda təxminən 52,2 km sürətə çatıb. Məlumata görə, robot bundan əvvəl də diqqət çəkib. Aprel ayında Pekində keçirilən humanoid robotlar üçün yarımmarafonda “İldırım” 21 kilometrlik məsafəni 50 dəqiqə 26 saniyəyə başa vuraraq birinci olub. Qeyd edək ki, robotun nəticəsi insan atletikası üzrə rəsmi dünya rekordu hesab edilmir. Lakin bu göstərici humanoid robotların hərəkət və sürət imkanlarının sürətlə inkişaf etdiyini nümayiş etdirir.