Belqorod şəhərinin sabiq meri Ukraynada döyüşlərdə həlak olub

Belqorod vilayətinin sabiq vitse-qubernatoru və Belqorod şəhərinin keçmiş meri Konstantin Polejayev Ukraynada gedən hərbi əməliyyatlar zamanı vəfat edib. Məlumata görə, Polejayev “BARS” könüllü dəstəsinin tərkibində xidmət edərkən pilotsuz uçuş aparatının (PUA) endirdiyi zərbə nəticəsində ağır yaralanıb. Zərbədən sonra xəstəxanaya çatdırılan sabiq məmurun həyatını həkimlərin bütün səylərinə baxmayaraq xilas etmək mümkün olmayıb. Qeyd edək ki, Konstantin Polejayev müxtəlif illərdə Belqorod vilayətində yüksək dövlət vəzifələrində, o cümlədən şəhər meriyasına və vilayətin kommunal təsərrüfat sektoruna rəhbərlik edib.