Azərbaycan və İran arasında iqtisadi və nəqliyyat əməkdaşlığı müzakirə olunub

Azərbaycan Respublikası Baş nazirinin müavini Şahin Mustafayev İran İslam Respublikasının yol və şəhərsalma naziri Fərzanə Sadiq ilə telefon danışığı aparıb. Müzakirələr zamanı iki ölkə arasında iqtisadi-ticarət, nəqliyyat-tranzit, energetika və su resurslarının idarə olunması sahələrində mövcut əməkdaşlıq məsələləri nəzərdən keçirilib. Telefon danışığı əsnasında Ağbənd–Kəlalə avtomobil körpüsünün tikintisinin uğurla başa çatdırılması mühüm nəticə kimi yüksək qiymətləndirilib. Eyni zamanda, Astara yük terminalında həyata keçirilən işlərin sürətləndirilməsi və tamamlanması ilə bağlı vacib məsələlər ətrafında fikir mübadiləsi aparılıb.